|
1.
Stor og rik med grøne grender
traust mot havet du deg vender.
Karmøy med di sterke strand!
Boknafjorden slær um skute,
Sirafjorden langt derute
bryt med brenning yver land!
Og i nord um ytste Gavlen
Sletta skummar kvit i skavlen!
men der inne skvulpar Karmsund
lint um land.
|
|
2.
No som fyrr dei staute søner
du med rikdom trufast løner.
Båtar, skip på hav og fjord
fører heim dei rike gåvor
til dei mange hundrad stovor
og gjer Karmøy kjend og stor!
Åkrar, engjar fagert blømer,
gard og grend med hus som sømer
prydar Karmøylandet ifrå sud til nord!
|
|
3.
Du var vyrd i gamle dagar:
Siglesegl på kongedragar
blakra stolt i sund og hamn!
Bardeleik og skjoldgny lua,
vikingskip på fjorden duva!
Karm, då heidra var ditt namn,
då når Olav borgi bygde,
kyrkja si med krossen trygde,
medan klokkeklangen tona yver hamn!
|
|
4.
Byar veksande og rike,
hamnar som kan ingen svike
ber du trygt i trugen barm!
Rundt ikring ligg bygder breide,
og der ned langt av leide
gøymer du den dyre malm!
Skogen enno sårt du saknar!
Men når dine born rett vaknar,
plantar dei og klær deg fager,
grøn og varm!
|
